ქალაქი ალასკაზე, სადაც გუშინ დაღამდა და 23 იანვრამდე არ გათენდება

ნოემბერი 19, 2020

უტქიაგვიკი, წარსულში ცნობილი, როგორც ბარროუ – პატარა ქალაქია ჩრდილოეთ ალასკაზე, რომლის მოსახლეობაც 2017 წლის მონაცემებით სულ რაღაც 4,383 შეადგენს.

თითქოს არაფრთ გამორჩეულ ქალაქში, გუშინ 18 ნოემბერს დაღამდა და 2021 წლის 23 იანვრამდე აღარ გათენდება.

პოლარული ღამე ბაროუში 66 დღეს გასტანს, ადგილობრივებს კი ნერვების გამოცდა ელით, რადგან დადგენილია, რომ ამ ორი თვის მანძილზე ქალაქი თვითმკვლელობების ყველაზე მაღალი მაჩვენებლით გამოირჩევა.

თუ სიბნელის მოყვარული არ ხართ და ღამე გაშინებთ, მაშინ ეს ქალაქი თქვენთვის ნამდვილად არ არის.

66 დღიანი ღამე და თოვლი, ყინვა და აუტანელი სიცივე.

ალბათ ყველამ კარგად იცის ის ფაქტი, რომ „ზამთარში დღეები მოკლეა“, ბარროუს კი განსაკუთრებული რამ ერგო, ქალაქში დღე საერთოდ არ არის დიდი ხნის მანძილზე.

ნომებრის პირველი რიცხვიდან ქალაქში მხოლოდ 5 საათიანი დღეები დგება, 18 ნოემბერს კი მზე მხოლოდ 34 წუთით ამოდის.