0 Your ჩემი კალათა

ONEPLUS ახალ სმარტფონებს 26 ოქტომბერს წარადგენს

10/13/2020
ავტორი ავთანდილ ცაგარეიშვილი

გავრცელებული ინფორმაციის თანახმად, ჩინეთში დაფუძნებული ტექნოლოგიური კომპანია OnePlus მომხმარებლებს Nord-ის სერიის ახალ სმარტფონებს N10 5G და N100 მიმდინარე წლის 26 ოქტომბერს დაგეგმილ ღონისძიებაზე წარუდგენს.

ანდროიდის ოპერაციულ სისტემაზე მომუშავე Nord N10 5G-ის ეკრანის სავარუდო ზომა 6,49 დუიმია. როგორც სახელწოდებიდან ჩანს, ის 5G მხარდაჭერით ისარგებლებს და მძლავრი პროცესორით Snapdragon 690 იქნება აღჭურვილი. წინასწარი მონაცემებით, მოდელის შიდა მეხსიერება 128GB-ს, ოპერატიული მეხსიერება 6GB-ს, ელემენტის ტევადობა კი 4200 mAh-ს შეადგენს. მოწყობილობას 64-მეგაპიქსელიანი მთავარი კამერა, 8-მეგაპიქსელიანი ფართოკუთხოვანი კამერა, 2-მეგაპიქსელიანი მაკრო ლინზა და 2-მეგაპიქსელიანი სიღრმის სენსორი ექნება.

OnePlus-ის Nord-ის სერიის სმარტფონები

რაც შეეხება Nord N100-ს, მისი ეკრანის ზომა 6,52 დუიმია. მოდელი 4G მხარდაჭერით ისარგებლებს და პროცესორით Snapdragon 460 იქნება აღჭურვილი. წინასწარი მონაცემებით, სმარტფონის შიდა მეხსიერება 64GB-ს, ხოლო ოპერატიული მეხსიერება 4GB-ს შეადგენს, ელემენტის ტევადობა კი 6,000mAh-მდე გაიზრდება. მოწყობილობას 13-მეგაპიქსელიანი მთავარი კამერა, 2-მეგაპიქსელიანი სიღრმის სენსორი და 2-მეგაპიქსელიანი მაკრო კამერა ექნება.

სავარაუდოდ, საბაზისო მოდელის შეძენა მომხმარებლებს დაახლოებით 400 აშშ დოლარად შეეძლებათ, შედარებით ბიუჯეტური Nord N100-ის ღირებულება კი 200 აშშ დოლარი იქნება.


კომენტარები

კომენტარეები ვერ მოიძებნა

შეტყობინების დატოვება