0 Your ჩემი კალათა

ASUS ZENBOOK PRO DUO - ლეპტოპი ორი 4K ეკრანით

05/29/2019
მომხმარებელი ავთანდილ ცაგარეიშვილი


Asus-მა კომპიუტერული ტექნიკის გამოფენა Computex-ზე ახალი ლეპტოპი, ZenBook Pro Duo წარადგინა, რომელიც ორი 4K ეკრანით არის აღჭურვილი - დიაგონალზე 38 სმ-იანი OLED პანელით და ScreenPad Plus-ით, რომელიც ლეპტოპის კლავატურასთან არის განლაგებული.



Apple-ის MacBook-ის Touch Bar-ისგან განსხვავებით, ScreenPad Plus ფუნქციურად კლავიატურის არცერთ ნაწილს არ ანაცვლებს, არამედ ლეპტოპის დიზაინში სრულყოფილ, escape ღილაკიან კლავიატურასთან ერთად გვხვდება. კლავიატურასთან ინტეგრირებული ეკრანის მქონე ლეპტოპი გასულ კვირას HP-მაც წარადგინა, თუმცა მისი მეორე ეკრანის ზომა ScreenPad Plus-თან შედარებით ბევრად პატარაა. ScreenPad Plus-ის გამოყენება შესაძლებელია როგორც კონტროლის მეორად პანელად, ასევე ცალკეულ მონიტორად. მისი გამოყენება ასევე შეიძლება ძირითადი ეკრანის გაგრძელების სახით.



ZenBook Pro Duo Intel Core i9 პროცესორით არის აღჭურვილი. ლეპტოპში ჩაშენებულ მიკროფონებს ხმოვანი ასისტენტების, Alexa-ს და Cortana-ს მხარდაჭერა აქვს. ლეპტოპს ასევე აქვს Thunderbolt 3-ის, USB-A-ს და HDMI პორტები.

ZenBook Pro Duo-ს ფასი და გამოსვლის ზუსტი თარიღი ამ დროისთვის უცნობია, თუმცა ლეპტოპის გამოსვლას მიმდინარე წლის ბოლოსთვის უნდა ველოდოთ.



კომენტარები

კომენტარეები ვერ მოიძებნა

შეტყობინების დატოვება