0 Your ჩემი კალათა

APPLE-მა აპლიკაციებში ყირიმის რუკა რუსეთის მოთხოვნების შესაბამისად შეცვალა

12/09/2019
მომხმარებელი ავთანდილ ცაგარეიშვილი

კომპანია Apple-მა რუსეთის ფედერაციის მოთხოვნები დააკმაყოფილა და ყირიმის რუკა შეცვალა. ამიერიდან, Apple-ის აპლიკაციებში ყირიმის ნახევარკუნძული არა უკრაინის, არამედ რუსეთის შემადგენელ ნაწილად იქნებაწარმოდგენილი.


ცვლილება, ამ ეტაპზე, მხოლოდ რუსეთის ტერიტორიიდან სისტემაში შესვლისას ჩანს - Apple-ის რუკისა და ამინდის აპლიკაციებში, ყირიმი რუსეთის ფედერაციას მიეკუთვნება, სხვა ქვეყნიდან შესვლისას კი, ნახევარკუნძული არც ერთი ქვეყნის ნაწილად არ არის წარმოდგენილი. ცვლილებას მალევე მოჰყვა ოფიციალური კრემლის გამოხმაურება - „Apple-ის მოწყობილობებზე ყირიმი და სევასტოპოლი უკვე ჩანს, როგორც რუსეთის ნაწილი" - აღნიშნულია განცხადებაში.

Apple ოფიციალურ მოსკოვთან მოლაპარაკებებს თვეების განმავლობაში აწარმოებდა. ტექნოლოგიურმა გიგანტმა ფედერაციას შესთავაზა ყირიმი დამატებითი იდენტიფიკაციის - როგორც უკრაინის, ასევე რუსეთის გარეშე ყოფილიყო ბაზაში წარმოდგენილი. თუმცა, დუმას უსაფრთხოებისა და ანტი-კორუფციული კომიტეტეტების ხელმძღვანელმა ვასილ პისკარიოვმა Apple-ს განუცხადა, რომ ეს რუსეთის კონსტიუტუციის წინააღმდეგ მიმართული ქმედებები იყო. საბოლოოდ, მსოფლიო მასშტაბით ერთ-ერთი ყველაზე გავლენიანი ტექნოლოგიური კომპანია დათმობაზე წავიდა, რუსეთის ინტერესები დააკმაყოფილა და ცვლილებები, არასრულად - თუმცა მაინც განახორციელა. შეგახსენებთ, რომ ყირიმის ნახევარკუნძული რუსეთის ფედერაციამ სამხედრო ძალების გამოყენებით, 2014 წელს დაიპყრო.



კომენტარები

კომენტარეები ვერ მოიძებნა

შეტყობინების დატოვება