0 Your ჩემი კალათა

ADOBE-ის ხელოვნური ინტელექტი ფოტოშოპით დამუშავებულ ფოტოებს ამოიცნობს

06/23/2019
მომხმარებელი ავთანდილ ცაგარეიშვილი

Adobe Photoshp-ში ფოტოების დამუშავების შესაძლებლობები იმდენად განვითარდა, რომ ორიგინალი ფოტოს მისი დამუშავებული ვერსიისგან განსხვავება მხოლოდ მასზე დაკვირვებით ფაქტობრივად შეუძლებელია. იმისათვის, რომ ამა თუ იმ ფოტოს ავთენტურობის დადგენის მსურველს ეს პროცესი გაუმარტივდეს, Adobe-მა შექმნა ხელოვნური ინტელექტის სისტემა, რომელიც ფოტოზე დამუშავებულ ადგილებს ავტომატურად აფიქსირებს და მის შესაძლო ორიგინალ ვერსიას აგენერირებს.

ხელოვნური ინტელექტის გასაწვრთნელად, მკვლევარებმა ინტერნეტიდან გადმოწერილი და შემდგომ Photoshop-ით დამუშავებული ათასობით ფოტო გამოიყენეს, რის შედეგადაც სისტემა დამუშავებულ ფოტოებს 99%-იანი სიზუსტით ამოიცნობს. შედარებისთვის, Adobe-ის მიერ გამოკითხულ ადამიანთა 53%-მა სწორად ვერ გამოიცნო, თუ რომელი იყო ორ ფოტოს შორის დამუშავებული ვერსია.

ამ გზით Adobe ცდილობს ინტერნეტსივრცეში გავრცელებული ყალბი კონტენტის მზარდ პრობლემას გარკვეულწილად გაუმკლავდეს. პროექტზე Adobe-ის მკვლევარებმა ბერკლის უნივერსიტეტის პროფესორებთან ერთად იმუშავეს.

კომენტარები

კომენტარეები ვერ მოიძებნა

შეტყობინების დატოვება