0 Your ჩემი კალათა

Xiaomi Mi 9: ფლაგმანური სმარტფონი ყველაზე ხელმისაწვდომ ფასად?!

05/12/2019
მომხმარებელი ავთანდილ ცაგარეიშვილი

სულ რამოდენიმე თვის წინ კომპანია Xiaomi-მ მისი ფლაგმანური სმარტფონი Mi 9 წარმოადგინა. სმარტფონის პირველივე შეხედვისას ის მალევე იქცევს თქვენს ყურადღებას. სმარტფონის შემადგენლობაში შედის – 6.39 დიუმიანი AMOLED ეკრანი Full HD+ გარჩევადობით რომლის წინა პანელის 90,7% უკავია. კორპუსის სისქე კი 7.61 მილიმეტრია. სმარტფონი ძალიან მსუბუქია და 173 გრამს იწონის, რაც მისი მონაცემების მქონე მოწყობილობისთვის ძალიან კარგი მაჩვენებელია.

ეკრანში ჩაშენებული თითის ბიომეტრიული სკანერი კი 25% სწრაფ შედეგს დებს წინა მოდელთან შედარებით. კორპუსიც ორიგინალური ტექნოლოგიითაა შექმნილი და მისი შეფერილობა რამდენიმე ფერის კომბინაციის გრადაციებისგან შედგება. Xiaomi-ს ამ შემთხვევაში გამოყენებული აქვს ლაზერული ჰოლოგრაფიის ტექნოლოგიური პროცესი, რომელიც ორი ფერის გადასვლით მიიღება.

უკანა პანელზე ასევე დიდ ყურადღებას იქცევს მთავარი კამერის ბლოკი, რომელიც უჟანგავი ფოლადისაა ხოლო ზევიდან საფირონის დამცავი შუშა აქვს.

Mi 9 აღჭურვილი არის Qualcomm Snapdragon 855-ის ბაზაზე და მას რეკორდული მაჩვენებელი აქვს სინთეტიკურ ტესტებში. რა თქმა უნდა მომავალში მას აუცილებლად გაასწრებს რომელიმე სხვა ფლაგმანი, მაგრამ დღეისათვის ის აბსოლუტური ჩემპიონია Android-ის მართვის ქვეშ. ოპერატიული მეხსიერება LPDDR4X სტანდარტის შესაბამისია, ხოლო შიდა მეხსიერებაში გამოყენებულია UFS 2.1 ფლეშ მოდული.

სმარტფონის მთავარი კამერა კი Sony IMX586-ია, რომელსაც 48 მეგაპიქსელი გარჩევადობა აქვს. მას 6 ელემენტიანი ოპტიკური სისტემა აქვს, რომელსაც 79 გრადუსიანი ხედვის კუთხე და მაქსიმალური დიაფრაგმა F/2,75 აქვს. არასაკმარისი განათებისას პიქსელები ერთიანდება 1/4-შეფარდებით და მათი ფართობი 1,6 მიკრომეტრამდე იზრდება და შედეგად 12 მეგაპიქსელიან, მაგრამ საკმარისად ნათელ ფოტოს ვიღებთ.

დამატებითი ორი სენსორი 16 მეგაპიქსელიანია და მას უფრო ფართო კუთხის მქონე ობიექტივი აქვს და 2X ოპტიკური ზუმი შეუძლია. მთავარ კამერას ჰიბრიდული ფაზური და კონტრასტული ავტოფოკუსი აქვს. ასევე არის ლაზერული ფოკუსირების სიტემაც, რაც არასაკმარისი განათებისას გამოიყენება

ასევე, სმარტფონის შემადგენლობაში გვხდება:Bluetooth 5.0 ტექნოლოგია, 3300 მიალმპერიანი ბატარეა სწრაფი დამუხტვის ფუნქციით, NFC, ინფრა წითელი პორტი და რევერსული უკაბელო დამუხტვის სისტემა.


კომენტარები

კომენტარეები ვერ მოიძებნა

შეტყობინების დატოვება