0 Your ჩემი კალათა

Tesla-ს აქციების ფასი 1,000 აშშ დოლარს ასცდა

06/12/2020
ავტორი ავთანდილ ცაგარეიშვილი

მსოფლიოში ცნობილი ელექტრო ავტომობილების მწარმოებელი კომპანია Tesla-ს აქციის ფასი 1,000 აშშ დოლარს ასცდა. ამერიკელი მწარმოებლის აქციების ფასი, წლის დასაწყისიდან 140%-ით არის გაზრდილი. ამგვარად, საბაზრო კაპიტალიზაციის მაჩვენებლით, Tesla მსოფლიოში მეორე ყველაზე ფასეული ავტოკომპანია გახდა Toyota-ს შემდეგ.


აქციების ფასის მორიგი ზრდა, Tesla-ს მთავარ აღმასრულებელ ილონ მასკის განცხადებას მოჰყვა იმის თაობაზე, რომ დროა, ვირუსთან დაკავშირებული გაჩერების შემდეგ, კომერციულ სატვირთო მოდელ „სემის“ წარმოება სერიული გახდეს.

და ეს ყველაფერი არაა - ინვესტორები ელიან, რომ Tesla მალე ბაზარს ე.წ „მილიონ-მილიან“ ელემენტებს წარუდგენს, რომლებიც უფრო იაფიც ეღირება, დიდხანსაც იმუშავებს და Tesla-ს ავტომობილებს ერთი დამუხტვით გაცილებით მეტ მანძილსაც გაატარებს.

მასკის თქმით, სატვირთო ავტომობილისთვის ელემენტების ბლოკს და ძალურ დანადგარს, ქარხანა „გიგა ნევადა“ გამოუშვებს. ავტომობილის დანარჩენ ნაწილებს კი სხვა ქარხნებში დაამზადებენ, რომლებიც მასკს არ დაუკონკრეტებია. მასკი ამბობს, რომ ახალი ქარხნის ასაშენებლად, ამერიკაში შესაფერის ადგილს ეძებს. ამისთვის შესაფერის ადგილებად ტექსასის და ოკლაჰომას შტატები მოიაზრება.

პირვანდელი გეგმით, Tesla-ს მე-8 კლასის სატვირთო „სემის“ წარმოება შარშან უნდა დაეწყო, მაგრამ მასკი ამბობს, რომ ავტომობილი ბაზარზე 2021 წლამდე გამოვა.

კომენტარები

კომენტარეები ვერ მოიძებნა

შეტყობინების დატოვება