0 Your ჩემი კალათა

OnePlus 7 Pro: ყველაზე იაფი ფლაგანური სმარტფონი?

05/14/2019
მომხმარებელი ავთანდილ ცაგარეიშვილი

როგორც იცით OnePlus-ი კონკურენტებთან შედარებით ახალგაზრდა ბრენდია, რომელიც ბოლო წლებში საკმაოდ დაიხვეწა, როგორც პროდუქტით, ისე მომსახურებით, რაც მის დიდ წარმატებაზეც აისახება. აღსანიშნავია ისიც, რომ კომპანია მაქსიმალურად ითვალისწინებს მომხმარებლების მოთხოვნებს. რამდენიმე საათის წინ კი, OnePlus-მა თავისი ახალი სმარტფონი OnePlus 7 & 7 Pro წარადგინა, რომელიც გაყიდვაში 17 მაისიდან ჩაეშვება.

OnePlus 7

მის შემადგენლობაშია: 6.41 დიუმიანი 19.5:9 ფორმატიანი FHD რეზოლუციის Amoled ეკრანი, Snapdragon 855-ის ჩიფსეტი, 6/8 გიგაბაიტიანი LPDDR4 ოპერატიული მეხსიერება, 128/256 გიგაბაიტიანი UFS3.0 შესანახი მეხსიერება, 3700 მილიამპერიანი ბატარეა რომელიც 30 ვატიანი Warp Charge ტექნოლოგიითა აღჭურვილი. თითის ანაბეჭდის ბიომეტრიული სკანერი, რომელიც ეკრანშია ჩაშენებული და წინა მოდელთან განსხვავებით ის ძალზედ სწრაფია, ეკრანში შეჭრილი კამერა, სტერეო დინამიკები, USB Type C პორტი და Android 9.0 ოპერაციული სისტემა OxygenOS 9 მოდიფიციურებული ვერსიით.

უკანა პანელზე ორი მთავარი კამერა გვხდება – 5 მეგაპიქსელიანი ულტრა ფართო F2.4 დიაფრაგმიანი ლინზებით და 48 მეგაპიქსელიანი RGB სენსორი F1.7 დიაფრაგმიანი ლინზებით, გიგანტური 0.8 მიკრონის ზომის პიქსელებით. აქ ასევე გვხდება 4K ვიდეო გადაღება, SloMo ვიდეო გადაღება 480 კადრით წამში და ელექტრონული სტაბილიზაცია. წინა კამერად კი 16 მეგაპიქსელიანი სენსორი გვხდება F2.0 ლინზებით.

OnePlus 7 Pro

სტანდარტული OnePlus 7-ისგან განსხვავებით 7 Pro-ში არ გვხვდება ნახევარკუნძული და წინა კამერა განთავსებულია სმარტფონის ზედა კანტიდან ავტომატურად ამოწევ მოდულში, რომელიც სრულად ქრება, როდესაც მას არ იყენებთ. ეს კი საბოლოოდ მთლიან და ჭრილებისგან თავისუფალ ეკრანს გვაძლევს, რაც ყოველდღიურ მოხმარებაში ბევრად კომფორტულია, ვიდრე ნახევარკუნძულიანი.

მის შემადგენლობაშია 6.67 დიუმიანი 19.5:9 ფორმატიანი 2K რეზოლუციის Amoled ეკრანი, Snapdragon 855-ის ჩიფსეტი, 6/8/12 გიგაბაიტიანი LPDDR4 ოპერატიული მეხსიერება, 128/256 გიგაბაიტიანი UFS3.0 შესანახი მეხსიერება, 4000 მილიამპერიანი ბატარეა 30 ვატიანი Warp ტექნოლოგიის მხარდაჭერით, თითის ანაბეჭდის ბიომეტრიული სკანერი, რომელიც ეკრანშია ჩაშენებული, USB Type C პორტი და Android 9.0 ოპერაციული სისტემა OxygenOS 9 მოდიფიციურებული ვერსიით. როგორც ყოველთვის მას არ გააჩნია აუდიო ჯეკი.

უკანა პანელზე სამი კამერა გვხდება: 16 მეგაპიქსელიანი ულტრა ფართო F2.2 დიაფრაგმიანი ლინზებით, 48 მეგაპიქსელიანი RGB გიგანტური 1/2″ დიუმის ზომის სენსორით, გიგანტური 0.8 მიკრონის ზომის პიქსელებით, სენსორი F1.6 დიაფრაგმიანი ლინზებით და 8 მეგაპიქსელიანი ტელეფოტო კამერა F2.4 დიაფრაგმიანი ლინზებით. აქ ასევე გვხდება 4K ვიდეო გადაღება, SloMo ვიდეო გადაღება 480 კადრით წამში, ელექტრონული სტაბილიზაცია ოპტიკური სტაბილიზაცია, 3X ოპტიკური ზუმი და IR-RGB სენსორი. წინა კამერად კი მოტორიზებული 16 მეგაპიქსელიანი სენსორი გვხდება F2.0 ლინზებით. აღსანიშნავია ისიც რომ DXOMARK-მა სმარტფონს უმაღლესი 111 ქულა მიანიჭა.

მათ შემადგენლობაშია ასევე: Dolby Atmos-მის მიერ დარეგულირებული სტერეო დინამიკები, HDR10+ს მხარდაჭერა, Haptic Vibration რომლის დამხარებითაც სმარტფონი სხვადასხვა ვიბრაციით გვატყობინებს შემოსულ შეტყობინებებს მთელ სმარტფნის ზედარპირზე და Night Mode 2.0 რეჟიმი რომელიც შექმნილია თქვენი თვალების კონფორტისთვის.

კომენტარები

კომენტარეები ვერ მოიძებნა

შეტყობინების დატოვება