0 Your ჩემი კალათა

Mercedes-Benz-მა ელექტროქროსოვერის წარმოება დაიწყო

05/12/2019
მომხმარებელი ავთანდილ ცაგარეიშვილი

ელექტროქროსოვერ EQC-ს წარმოება ბრემენში განლაგებულ ქარხანაში დაიწყო. ამ მოდელის ყველა ავტომობილი, რომელსაც Mercedes 2019 წელს ააწყობს უკვე გაყიდულია. კომპანიის შეფასებით, EQC უახლოეს წლებში Mercedes-ის ერთ-ერთი ყველაზე წარმატებული ავტომობილი გახდება


კომპაქტური ელექტრომობილი არის ორი ძრავით აღჭურვილი, რომლებიც ჯამურად 408 ცხენის ძალას გამოიმუშავებენ. ავტომობილი 100 კმ/სთ-ის სიჩქარეს 5,1 წამში ანვითარებს, მაქსიმალური სიჩქარე კი 180 კმ/სთ-ია. სრული დამუხტვის შემდეგ კი ელექტრომობილს 450 კილომეტრის გავლა შეუძლია. EQC-ს მინიმალური ღირებულება 71 281 ევროა.

უკვე ივნისში კომპანიის VIP კლიენტებს შეეძლებათ EQC-ს საჭესთან დაჯდომა. წარმოების მოცულობის გაზრდას Mercedes 2019 წლის შემოდგომისთვის გეგმავს. EQC-ს კონცეპტი გერმანულმა ავტოგიგანტმა პირველად 2016 წელს პარიზის ავტოშოუზე წარმოადგინა. ელექტრომობილის საბოლოოდ ვერსია 2018 წელს ასევე პარიზში წარადგინეს.


კომენტარები

კომენტარეები ვერ მოიძებნა

შეტყობინების დატოვება