0 Your ჩემი კალათა

JBL-ის ახალი უსადენო ყურსასმენები მზის ენერგიით დაიმუხტება

12/19/2019
ავტორი ავთანდილ ცაგარეიშვილი

  • ყურსასმენები, სავარაუდოდ, 2020 წლის ოქტომბერში გამოვა.
  • მოწყობილობა საათსა და 30 წუთში, სრულად იმუხტება.

უკვე რამდენიმე წელია, უსადენო ყურსასმენები ტექნოლოგიური ბაზრისათვის სიახლეს აღარ წარმოადგენს. თუმცა, უსადენო ყურსასმენები, რომლებიც მზის ენერგიაზე მუშაობს - შეგვიძლია ინოვაციად მივიჩნიოთ. სწორედ ამ მახასიათებლებით გამოირჩევა ახალი მოდელი, რომელიც აუდიო აღჭურვილობის მწარმოებელმა ამერიკულმა კომპანია JBL-მა მომხმარებლებს წარუდგინა.


JBL-ის განცხადებით, უსადენო ყურსასმენების ეს მოდელი მზის ენერგიისგნ, საათსა და 30 წუთში სრულად იტენება. ამის შემდეგ, მოწყობილობის მძლავრი ბატარეა უწყვეტი მუშაობის რეჟიმს 68 საათის განმავლობაში უზრუნველყოფს - ეს კი იმას ნიშნავს, რომ მუსიკის მოყვარულებს შეუძლიათ აუდიო აქსესუარით დაუბრკოლებლად და დისკომფორტის გარეშე სიბნელეშიც ისარგებლონ.


JBL განმარტავს იმასაც, რომ მომხმარებლები ამინდზე სრულებით არ იქნებიან დამოკიდებულნი. ზამთარში და ღრუბლიან ამინდში, როცა მზის სხივები სუსტია, მოწყობილობას მაინც შეუძლია გარკვეული სიმძლავრით დაიმუხტოს. მზის ენერგიის გარდა, ყურსასმენები ელექტროენერგიითაც იტენება. მზის ენერგიით დამუხტვადი ყურსასმენების დაანონსებული მოდელი, სავარაუდოდ, 2020 წლის ოქტომბერში გამოვა.


კომენტარები

კომენტარეები ვერ მოიძებნა

შეტყობინების დატოვება