0 Your ჩემი კალათა

ახალი ელემენტით ელექტრომობილი 2 მილიონ კილომეტრს გაივლის

06/12/2020
ავტორი ავთანდილ ცაგარეიშვილი

აკუმულატორების მწარმოებელი ჩინური ტექნოლოგიური კომპანია CATL, რომელიც საკუთარი პროდუქციით Tesla-სა და Volkswagen-ს ამარაგებს, აცხადებს, რომ ელექტრომობილებისთვის განკუთვნილი ახალი ელემენტი შექმნა, რომელიც 16 წლის განმავლობაში მუშაობს და 2 მილიონი კილომეტრის გავლის შესაძლებლობას იძლევა.


ჯერჯერობით უცნობია, გაფორმდა თუ არა კონტრაქტი ელექტრომობილების მწარმოებელ რომელიმე კომპანიასთან, თუმცა მსურველთა გამოჩენის შემთხვევაში, CATL-ის წარმომადგენლები ინოვაციური პროდუქტის სერიული წარმოებისთვის მზადყოფნას გამოთქვამენ. საინფორმაციო სააგენტო Bloomberg-ის ცნობით, მისი ღირებულება ელექტროძრავზე მომუშავე მანქანებში ამჟამად გამოყენებად ელემენტებზე დაახლოებით 10 პროცენტით ძვირი იქნება.

ელექტრომობილი Tesla Model 3.
ელექტრომობილი Tesla Model 3.

მიმდინარე წლის თებერვალში Tesla-მ ჩინურ კომპანიასთან ორწლიანი კონტრაქტი გააფორმა, რომლის პირობებითაც, CATL მას ქალაქ შანხაიში მდებარე ქარხნის მიერ გამოშვებული ელექტრომობილებისთვის Tesla Model 3 განკუთვნილ აკუმულატორებს მიაწვდის. აპრილში კი საინფორმაციო სააგენტო Reuters, ილონ მასკის კომპანიის მიერ საკუთარი მანქანების მილიონი კილომეტრის მანძილზე მოქმედი ელემენტებით აღჭურვის გეგმაზე საუბრისას, CATL-ს მის საწარმოო პატნიორად მოიხსენიებდა. თუმცა, გამოიყენებენ თუ არა ახალ ელემენტებს Теsla Model 3-ში ამ ეტაპზე უცნობია.


კორონავირუსის პანდემიისა და ნავთობის ფასების შემცირების გამო მსოფლიო მასშტაბით ელექტრომობილების გაყიდვებმა მნიშვნელოვნად იკლო, მაგრამ ჩინური კომპანიის წარმომადგენლები იმედოვნებენ, რომ 2021 წლისთვის ვითარება გამოსწორდება, რაშიც CATL-ის მიერ შექმნილი ახალი ელემენტი მნიშვნელოვან როლს შეასრულებს. 2030-35 წლებში კი ელექტრომობილები წიაღისეულ საწვავზე მომუშავე სატრანსპორტო საშუალებებზე უფრო მოთხოვნადი გახდება.

კომენტარები

კომენტარეები ვერ მოიძებნა

შეტყობინების დატოვება